Nid eine für ei Nacht

Song anhören auf MX3 auf MX3 hören

mir si scho bau die letschte gsi;
mi het’s dünkt die nacht gieng nie verbi;
ha si de gfrogt, he wosch e kafi;

mir si de nöcher zäme grütscht;
hei nang de gli drufabe küsst;
do meint si, was i dir no sött säge;

i bi nid eini für ei nacht;
i bi nid eini wo das macht;
i bi süsch würklich nid e so;
doch wenn du wosch blib i do;

si het mi völlig überrascht;
das steit doch nid i mire macht;
die entscheidig die ligt bi dir;

do luegt si mi ganz komisch a;
u meint jetzt müessi öpis gah;
zu dir oder zu mir;

i bi nid eine für ei nacht;
i bi nid eine wo das macht;
i bi süsch würklich nid e so;
doch wenn du wosch de blib i do;

jetzt stöh mir beidi vor ihrer tür;
was spricht dergäge u was derfür;
nimsch mi mit ine oder blib i duss;
geits no witer oder isch jetzt schluss;

i bi nid eine für ei nacht;
i bi nid eine wo das macht;
i bi süsch würklich nid e so;
doch wenn du wosch blib i do;

i bi nid eini für ei nacht;
i bi nid eini wo das macht;
i bi süsch würklich nid e so;
doch wenn du wosch de blib i do;

jetzt isch die nacht verbi;
äs isch würklich sehr schön gsi;
i chume gärn wider mou verbi…

Text: Heiko Salvisberg (08.01.2008)

Läärguet