Gägewind

Song anhören auf MX3 auf MX3 hören

i ha nie wöue wärde;
wie die meischte si;
i freiheit wöue läbe;
bi dr gröscht rebell gsi;
i ha gläbt nach mine tröim;
gmacht was nid erloubt isch;
ha gschüttlet a dä gröschte böim;
bi gschwumme mit em chlinschte fisch;

i bi immer dergäge;
egau wie fescht dr wind ou wäiht;
stoh alleini im räge;
wenn sich d’ärde nid um mi dräit… nid um mi dräit;

doch so isch das äbe;
irgendwenn het dr wind gwunne;
i ha brav afo läbe;
mit em sitzplatz a der sunne
jo das isch d‘gschicht vo däm läbe;
woni nie hätt wöue ha;
i hätt i freiheit wöue stärbe;
u dert häre wo ig nid cha;

bi immer dergäge;
egau wie fescht dr wind ou wäiht;
stoh alleini im räge;
wenn sich d’ärde nid um mi dräit… nid um mi dräit;
ha gägewind;

i bi nes nummero im system;
0815 crème de la crème;
bi glücklich so wies isch;
ha jede tag e deckte tisch;

bi immer dergäge;
egau wie fescht dr wind ou wäiht;
stoh alleini im räge;
wenn sich d`ärde nid um mi dräit;
bi immer dergäge;
egau wie fescht dr wind ou wäiht;
stoh alleini im räge;
wenn sich d`ärde nid um mi dräit… ha gägewind;

Text: Heiko Salvisberg (08.01.2008)

Läärguet